~小編自製的影片=) 歡迎看看~
秋天又到喇, 一年唔係好多個月適合行山, 今年小編都試試行山
今次行大東山, 其實呢次係第二次行山
今次帶大家一齊行大東山, 飽覽芒草美景!!!
大東山位於大嶼山南部, 海拔有869米, 係香港第三高既大東山, 屬香港中高難度級別。
因為屬於高山, 所以山上滿佈芒草。秋季就係芒草最佳的觀賞期。大東山亦是欣賞日落的最佳地方，故英文名稱為「Sunset
Peak」。
首先去東涌, 係東薈城會見到Kwiss, coffee shop可以買少少野食食,
仲有toilet, 記住唔好變左Shopping呀!
▼之後係Pret門口出, 右手邊會見到巴士站, 一直直行就會見到3M巴士
▼之後係Pret門口出, 右手邊會見到巴士站, 一直直行就會見到3M巴士
果次搭車會有分段收費, 所以比個慳錢小TIPS比大家,
可以帶備6數散銀, 可以平接近一半價錢喔~
15-20分鐘就到到呢個伯公坳站
大家就可以係呢度上山喇, 另一邊就係上鳳凰山
▼第一個POINT就會見到個涼亭
▼由伯公坳上要首先行過千級石階樓梯喔, 而且斜度不一, 首小時均為直上樓梯。
沿路可休息既地方唔多同唔係好闊, 雖然今次只係第2次行上, 第1次就行左釣魚翁 (香港三尖) , 好彩平時鐘意旅行訓練左我既腳骨力, 所以唔算吃力。但真係冇行山經驗既話就要行量番喇, 上山需要一定體力。
沿路可休息既地方唔多同唔係好闊, 雖然今次只係第2次行上, 第1次就行左釣魚翁 (香港三尖) , 好彩平時鐘意旅行訓練左我既腳骨力, 所以唔算吃力。但真係冇行山經驗既話就要行量番喇, 上山需要一定體力。
當日上大東山的人比起上釣魚翁既多好多好多, 雖然我唔係一位行山專家, 但都想盡能力分享下自己既經歷比大家聽聽。
所以唔怕沉氣都提一提冇咩經驗既行山者唔好因為怕自己行得慢會阻礙隨後既人因而不斷加快自己既節奏,
因為伯公坳上山路9成幾都係樓梯, 唔好以為行一陣就可以有塊大空地先停低。
所以一定要按住自己應有既節奏去行, 唔洗怕唔好意思行在較後位置,
或者約多幾個朋友同自己差唔多能力同速度一齊行。
首段曝曬程度低, 因為有遮蔭, 但另一個問題就係朝早會唔通風, 會有點焗。
大家沿路應該會見到一棵大榭, 雖然地方都唔算好大, 但都可以係小休一陣。如果大家行到呢度已經喘哂氣, 停低過好多次既話就要注意喇!因為行到呢度大概只係行程既1/3
我地落山都係行番伯公坳同一條路, 落山時見到一位女士上山到呢一點, 問我地仲有幾耐先到..果時佢都有喘氣, 而太陽開始落山, 如果咁未必可以係天氣黑哂時完哂全程加落番山喇…
▼上到山腰就開始會見到芒草, 不過比山頂就冇咁茂密
影相時都要注意自己企既地方背後係咪斜坡唔係實地。因為芒草上得多會遮蔽成條路, 有時幫人影相既人可以會提示你行前行後令張相影得更加令, 但如果唔知後面係斜路就…大峽谷真係有人Selfie唔覺失足..所以要多加留意同小心!
沿路都會見到對面既鳳凰山!
之後就會有個空地較多芒草既地方! 大家就可以係度休息下, 影下相=)
▼好喇..繼續上山…之後小路樓梯最多只可容納兩人同時行走, 所以要讓路給迎面而來的行山人士呀
之後就會有個空地較多芒草既地方! 大家就可以係度休息下, 影下相=)
▼好喇..繼續上山…之後小路樓梯最多只可容納兩人同時行走, 所以要讓路給迎面而來的行山人士呀
▼去到海拔700多米會有一條嗆上大東山最高點,但剛從呢條路落山既行山人士都唔建議由呢條路行, 因為真係好危險, 所以唔建議我地行呢條路上山
▼大家可以行前面, 會有個空地前面會見到爛頭營,
面向爛頭營左手邊亦都有條路可以上山, 呢條路就唔係樓梯喇,
係斜坡碎石路, 因為我當日冇咩專業裝備, 所以行到808米我就冇上喇。有機會有裝備再上=D
▼之後行埋落去睇爛頭營既屋。
大東山上的重要景點是爛頭營，其實是一間間的石屋，遍佈整個大東山山頭。爛頭營的「爛頭」其實就是大嶼山Lantau Island的 “Lantau”
▼再沿伯公坳路下山
大家唔鐘意行樓梯可以選擇南山下山, 難度冇咁難, 但時間相對較長, 會行去梅窩
伯公坳難度雖然高D, 但落番東涌, 時間快D
同一個山仲有第3條路, 不過係專業行山人士先會行, 普通登山人士上同落都唔應該行呢條路線
大家唔鐘意行樓梯可以選擇南山下山, 難度冇咁難, 但時間相對較長, 會行去梅窩
伯公坳難度雖然高D, 但落番東涌, 時間快D
同一個山仲有第3條路, 不過係專業行山人士先會行, 普通登山人士上同落都唔應該行呢條路線
♥♥♥♥♥♥♥♥♥♥♥♥♥♥♥♥♥♥♥♥♥♥♥♥♥♥♥♥♥♥♥♥♥♥♥♥♥♥♥♥♥♥♥♥♥♥♥♥♥♥♥♥♥♥♥♥♥♥♥♥♥♥♥♥♥♥
分享♥
✥大東山以行石階樓梯為主
✥行斜坡路時小小碎石
✥因登山人士較多, 應按自己節奏上山
✥不太多可休息的空地作小休
✥拍照芒草時留意有否遮蔽了行山路, 以免不留神發生意外
✥石屋日久失修, 不要坐在爛頭營上的石屋上
|
提示♥
✥中途沒有補給站
✥要帶備足夠的糧水
|
大東山路線 ♥
伯公坳->大東山->爛頭營-> 沿伯公坳路下山
|
難度級別 ♥
中高
|
風景 ♥
★★★★✰
|
*********************************************************************************
*********************************************************************************
YouTube:
Kimmy18 Channel
更多美食資訊:
Facebook Page▶
https://www.facebook.com/Kimmy.FoodieBuddy/?ref=py_c
